Astana men birqatar óńirde ekinshi aýysymda oqıtyn balalar mektepke barmaıdy

ASTANA. QazAqparat - Búgin birqatar óńirde ekinshi aýysym oqýshylary sabaqty onlaın ótedi, dep habarlaıdy QazAqparat.

Atyraý jáne Aqtóbe oblystarynda 10-11 qańtar - eki kún boıy oqýshylardyń úıde qalatynyn buǵan deıin jazǵan bolatynbyz.

Odan bólek, búgin Astana qalasynda ekinshi aýysymnyń 0-11 (12) synyp oqýshylary jáne kolledjderdiń 1-2 kýrs stýdentteri qashyqtan oqytý formatyna aýystyryldy.

Sonymen qatar Abaı oblysynyń Semeı qalasynda jáne Aqmola oblysynyń ortalyǵy Kókshetaýda 10 qańtar kúni ekinshi aýysymdaǵy 1-11 synyp oqýshylary jáne kolledjderdiń barlyq kýrs stýdentteri onlaın oqıdy.

Batys Qazaqstannyń Oral qalasynda, Ulytaý oblysy men Pavlodarda da 0-9 synyp oqýshylary mektepke barmaıdy.

Sondaı-aq Shymkent qalasynda 1-8 synyp oqýshylary osy seısenbi men sársenbide úıden bilim alatyn boldy.