«Astana» men «Bate» kezdesýinde elorda kóshelerinde qozǵalys shekteledi

Kezdesý sońyna deıin Qabanbaı batyr jáne Turan dańǵyldary Kereı men Jánibek handar kóshesinen Hýseın ben Talal kóshesine deıin jabylady. Júrgizýshilerge Orynbor kóshesi arqyly júrý usynylady, dep habarlaıdy qala ákimdiginiń saıty.

Astana qalasynyń ІІD Jergilikti polıtsııa qyzmeti júrgizýshilerden muqııat bolyp, qoǵamdyq kólikpen júrýge keńes beredi. Áýejaıǵa baratyn astanalyqtar men jaqyn mańdaǵy eldi mekenderdiń turǵyndary balama joldardy aldyn ala josparlaý alýy qajet.

Sondaı-aq, kórermenderge yńǵaıly bolýy úshin saǵat 18.00-de jankúıerlerdi bes jerden alyp ketý úshin arnaıy reıster (shattldar) uıymdastyrylady. Avtobýstar myna meken jaılar boıynsha turady:

1)  «Qazaqstan» SK janyndaǵy turaq (Q. Muńaıtpasov k-si);

2)  «Áziret Sultan» meshitiniń janynda (R. Qoshqarbaev dańǵyly);

3)   «Nur-Astana» meshitiniń janynda (shyǵys jaǵyndaǵy turaq);

4)  Astanalyq tsırk janyndaǵy turaq (Qorǵaljyn tasjolynyń boıyndaǵy turaq);

5)  Q. Muńaıtpasov atyndaǵy stadıonnyń janyndaǵy turaq (Kenesary k-si);

Jankúıerlerdi qaıta jetkizý úshin shattldar Qabanbaı batyr dańǵylynyń boıynda «Astana-Arena» stadıonynyń turaǵynda jáne aıaldamada turady.