«Astana» men «Banık» fýtbol klýbtary arasyndaǵy joldastyq kezdesý 2:2 esebimen aıaqtaldy
ALMATY. 9 aqpan. QazAqparat /Erlik Erjanuly/ - Antalııada oqý-jattyǵý jıynyn ótkizip jatqan Astana fýtbolshylary keshe Ostrava qalasynyń «Banık» komandasymen joldastyq kezdesý ótkizdi.
Oleg Protasov jattyqtyratyn elordalyqtar bul oıynda cheh aıaqdopshylarymen 2:2 esebimen teń tústi. Chehııa chempıonatynda birneshe dúrkin el chempıony jáne kýbog ıegeri bolǵan «Banık» oıynnyń alǵashqy jartysynda birinshi bop esep ashty. Ony astanalyqtardan Muhtar Muhtarov ekinshi taımda teńestirgen edi. Ostravalyqtar ekinshi ret esepke ózgeris ákelgenimen, oıynǵa kezdesýdiń ekinshi jartysynda aralasqan Tańat Nóserbaev óz komandasyn jeńilisten qutqaryp qaldy.
«Astana» buǵan deıin 4-aqpanda Moldovanyń Kıshınev qalasynyń «Akademııa ÝTM» klýbyna 1:3 esebimen jeńilip qalǵan edi. Búgin olar jıyndy aıaqtap birneshe kún elde kúsh jınap, odan keıin jańa maýsymǵa ázirligin taǵy bir ret pysyqtaý úshin Antalııaǵa qaıta oralmaq.
