Astana men Almatynyń áýejaılary TMD-daǵy úzdik ondyqta

ASTANA. QazAqparat - Astana men Almatynyń halyqaralyq áýejaılary TMD-daǵy úzdik ondyqqa kirdi. Mundaı reıtıngti Skytrax brıtanııalyq jeke konsaltıng kompanııasy jasady.

Alǵashqy oryndar Máskeýdegi Domodedovo men Sheremetevo halyqaralyq áýejaılaryna tıesili. Úshinshi orynnan ótken jyly Búkilálemdik Ýnıversıadanyń qatysýshylary men qonaqtaryn qabyldaǵan Qazan halyqaralyq áýejaıy kórindi.Tórtinshi satyǵa Reseı astanasynyń Vnýkovo áýejaıy ornalasty. Qazaqstandyq Astana men Almaty áýejaılary birinen keıin biri altynshy, jetinshi oryndarǵa jaıǵasty. Odan keıingi oryndarda Mınsk, Baký men Tashkent áýejaılary.

Brıtandyq Skytrax konsaltıngtik jeke kompanııasy áýe kompanııalary men áýejaılar usynatyn qyzmet kórsetý sapasyn zertteýge mamandanýda. Zertteýler negizin jolaýshylardan alynǵan túrli saýalnamalar quraıdy.

Eske sala keteıik, osymen ekinshi jyl qatarynan Skytrax nusqasy boıynsha álemde Sıngapýr áýejaıy úzdik dep tanylǵan.