Astana men Almatydaǵy HQKO-lar jumys isteýde
ASTANA. QazAqparat - Astana men Almatydaǵy Halyqqa qyzmet kórsetý ortalyqtary búgin tańǵy 8-den 15.00-ge deıin jumys jasaıdy. Bul týraly Azamattar úkimetiniń baspasóz qyzmeti habarlady. Qazaqstandyqtar turǵylyqty mekenjaılary boıynsha tirkelýde.
Buryn habarlanǵandaı, 2017 jyldyń 7-13 qańtar aralyǵynda turǵylyqty mekenjaılary boıynsha tirkelgen qazaqstandyqtar sany 157 778 adamǵa jetti.
Eske sala keteıik, 2016 jyldyńń 22 jeltoqsan kúni Qazaqstan Prezıdenti Nursultan Nazarbaev «Qazaqstan Respýblıkasynyń keıbir zańnamalyq aktilerine ekstremızmge jáne terrorızmge qarsy is-qımyl máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy. Zańǵa sáıkes, azamattardyń turǵylyqty mekenjaılary boıynsha mindetti tirkelýi engizildi. Sondaı-aq, jalǵa alýshylar da, jalǵa berýshiler de ruqsatnama qujattarynyń bolmaǵandyǵyna baılanysty aıyppul tóleıdi.
Turaqty jáne ýaqytsha tirkeý úshin úı ıesiniń kelisimi (jeke kýáligimen birge óziniń qatysýy) nemese úı ıesiniń senimdi tulǵasy, tirkeletin adamnyń jeke kýáligi men turǵylyqty mekenjaıy boıynsha mindetti tirkelý úshin 226,9 teńge kóleminde memlekettik baj salyǵyn tóleý týraly túbirtek bolýy mindetti.
