Astana men Almatyda jáne Atyraý, Aqtóbe, Batys Qazaqstan oblystarynda 1 - 4 synyp oqýshylary 100 paıyz tegin ystyq tamaqtanýmen qamtylǵan
ASTANA. 26 tamyz. QazAqparat - Barlyǵy 486 537 (47,4%) bastaýysh synyp oqýshylaryn tegin tamaqtandyrý eskerilgen. Bul týraly QR Bilim jáne ǵylym mınıstrliginiń taratylǵan málimetterinde habarlandy.
«2011 - 2020 jyldarǵa arnalǵan BDMB-da «Turmysy nashar otbasylardan shyqqan oqýshylardy ystyq dárýmendelgen tegin tamaqpen qamtamasyz etý (2012 jyly - 91%, 2013 jyly - 92%, 2014 jyly - 95%, 2015 jyly - 100%)» kórsetkishi qarastyrylǵan. Qazirgi ýaqytta 6183 (84,9%) mektepte 1 929 785 (78,8%) balalar úshin ystyq tamaq berý uıymdastyrylǵan»,-delingen vedomstvo málimetinde.
Máselen, Atyraý, Jambyl, Qaraǵandy, Qostanaı, Qyzylorda, Mańǵystaý, Pavlodar, Soltústik Qazaqstan, Ońtústik Qazaqstan oblystary men Astana qalasynyń turmysy nashar otbasylarynan shyqqan oqýshylar 100 paıyz tegin ystyq tamaqpen qamtylǵan.
Ákimdikterde bastaýysh synyp oqýshylaryn tegin tamaqtandyrýmen qamtamasyz etý boıynsha sharalar qabyldanǵan. Barlyǵy 486 537 (47,4%) bastaýysh synyp oqýshylaryn tegin tamaqtandyrý eskerilgen.
Astana jáne Almaty qalalary men Atyraý, Aqtóbe, Batys Qazaqstan oblystarynda 1 - 4 synyp oqýshylary 100 paıyz tegin ystyq tamaqtanýmen qamtylǵan.
