Astana men Almatyda jalǵa beriletin baspananyń sharshy metri 200 myń teńgeden aspaıdy

ASTANA. QazAqparat - Ákimdik tiziminde kezekte turǵyndar úshin arendalyq baspana qurylysyna jáne ishki kóshi-qonǵa óńirlik kvotalardy júzege asyrýǵa «Báıterek» holdıngi jelisi boıynsha 53 mlrd. teńge baǵyttalady. Bul týraly búgin Úkimet otyrysynda QR Ulttyq ekonomıka mınıstri Erbolat Dosaev málim etti.

«Astana men Almaty qalalarynda bir sharshy metr baspananyń quny 200 myń teńgeden aspaıdy, al qalǵan óńirlerde ınjenerlik-kommýnıkatsııalyq ınfraqurylymdy qosqanda 180 myń teńge bolady. Shamamen bir aıǵa tólenetin arendalyq tólem satyp alý quqyǵynsyz Astana men Almatyda sharshy metrine - 640 teńge, basqa óńirlerde - 550 teńge. Al satyp alý quqyǵymen Astana men Almatyda sharshy metrine - 1230 teńge, basqa óńirlerge - 1110 teńge bolmaq. 2016 jyly osy tetik boıynsha 324 myń sharshy metr baspana tapsyrylady», - dedi ol.

Esterińizge sala keteıik, Memleket basshysynyń tapsyrmasyna sáıkes turǵyn úı qurylysyn yntanalandyrý úshin 360 mlrd. teńge bólinetin bolady.