Astana men Almatyda TMD jáne túrkitildes elderi kompozıtorlarynyń I halyqaralyq kameralyq mýzyka festıvali ótedi
ASTANA. 19 qarasha. QazAqparat - Erteń, 20 qarasha kúni Astana qalasyndaǵy K. Baıseıitova atyndaǵy Ulttyq opera jáne balet teatrynyń kontsert zalynda TMD jáne túrkitildes elderi kompozıtorlarynyń halyqaralyq «Camerata tempo» kameralyq mýzyka festıvali shymyldyǵyn ashady, dep habarlady QR Mádenıet jáne aqparat mınıstrliginiń baspasóz qyzmetinen.
Jobanyń avtory - QR Halyq ártisi, professor, Memlekettik syılyqtyń laýreaty Gaýhar Myrzabekova. Shara sheńberinde «Qazaqstan kameratasy» Memlekettik klassıkalyq mýzyka ansambli óziniń 15 jyldyq mereıtoıyn atap ótýde.
Festıvaldiń syıly qonaqtary arasynda tanymal mýzykanttar men kompozıtorlar bar. Olar: Gııa Kanchelı, Oleg Krysa, «Musica Viva» Máskeý kameralyq orkestri, Nurjamal Úsenbaeva, Medet Chotabaev, Ámir Tebenıhın, Aleksandr Vınnıtskıı, Ádil Bestibaev, Tolıb Shahıdı, Murat Begalıev, Petr Grıbanov, Álisher Latıf-Zade.
«Camerata tempo» kameralyq mýzyka festıvali Almaty sahnalarynda da jalǵasyn tabady. 24, 25, 28 qarasha kúnderi Almaty qalasy Jambyl atyndaǵy Qazaq Memlekettik fılarmonııasynyń kontsert zalynda festıvaldiń kontserttik baǵdarlamalary kórsetiledi jáne shaqyrylǵan qonaqtardyń baspasóz konferentsııasy ótedi. 8 jeltoqsan kúni Abaı atyndaǵy Qazaq Memlekettik akademııalyq opera jáne balet teatrynda TMD jáne túrkitildes elderi kompozıtorlarynyń «Camerata tempo» kameralyq mýzyka halyqaralyq festıvaliniń Gala-kontserti uıymdastyrylmaq.
Festıvalǵa qatysýshy elder: Qazaqstan, Reseı, Ázirbaıjan, Ózbekstan, Qyrǵyzstan, Tájikstan, AQSh, Belgııa, Grýzııa, Túrkııa, Ulybrıtanııa, Frantsııa.
