Astana men Almatyda saýsaq tańbasy arqyly memlekettik qyzmet kórsetiledi
ASTANA. QazAqparat - Astana men Almaty qalalarynda pılottyq rejimde bıometrıkalyq derekter arqyly memlekettik qyzmet kórsetiledi, dep habarlaıdy QazAqparat elorda ákimdigi saıtyna silteme jasap.
«Bıometrııalyq derekter bazasy arqyly memlekettik qyzmetterdi usyný tetigi Halyqqa qyzmet kórsetý ortalyqtarynda jáne elektrondy úkimet portalynda usynylady. Onda memlekettik qyzmetti alýshynyń bet-álpeti men saýsaq tańbalary qoldanylady jáne jeke qujattar men elektrondy tsıfrlyq qoltańba kórsetýdi qajet etpeıdi», - «Azamattarǵa arnalǵan úkimet» memlekettik korporatsııasynyń tóraǵasy Abylaıhan Ospanov áleýmettik jelide.
Bıometrııalyq parametrler aqparattyq júıelerdegi paıdalanýshylardy sáıkestendirý úshin paıdalanylady. Azamattarǵa arnalǵan úkimet memlekettik korporatsııasy «Ulttyq aqparattyq tehnologııalar» AQ birlesip, Astana men Almaty qalalarynda memlekettik qyzmet alýdyń bıometrııalyq mehanızmin pılottyq rejimde engizedi.
«Paıdalanýshylardyń bıometrıkalyq derekter bazasynda tirkelýi erikti negizde júrgiziledi. Paıdalanýshy ruqsat bergen soń ǵana ózi týraly derekterdi memlekettik qyzmet alýda qoldana alady», - dep atap ótti ol.
Onyń aıtýynsha, bıometrııalyq sáıkestendirýdi engizý qazaqstandyqtarǵa memlekettik qyzmetti ońaı alýǵa, basqa adamdardyń qujattarymen sáıkestendirý qaýpin joıýǵa múmkindik beredi.
«Qazirgi ýaqytta Qazaqstannyń qarjylyq sektory óz qyzmetinde bıometrııalyq sáıkestendirýdi tabysty paıdalanýda. Máselen, keıbir mobıldi banktik qosymshalarda jeke kabınetke saýsaq izi arqyly kirýge bolady. Bolashaqta búkil qarjy sektory úshin biryńǵaı baza jasaýdy josparlap otyrmyz», - deıdi A. Ospanov.
