Astana men Almatyda membaǵdarlama aıasynda boı kóteretin páter baǵasy kóterilmeıdi
ASTANA. QazAqparat - Astana men Almatyda «Turǵynúıjınaqbanki» baǵdarlamasy aıasynda salynatyn páterlerdiń baǵasy kóterilmeıdi. Bul týraly «KTK» telearnasynyń «Halyq qyzmetshisi» baǵdarlamasynda qonaqta bolǵan «Báıterek» holdınginiń basshysy Qýandyq Bıshimbaev málim etti.
«Almaty men Astana úshin turǵyn úı baǵasy burynǵy qalpyn saqtap otyr. Negizinen geografııalyq jáne tabıǵı erekshelikterge baılanysty batys oblystarda qymbattaý oryn aldy», - dedi ol.
Q.Bıshimbaevtyń paıymynsha, OQO, Jambyl, ShQO oblystaryndaǵy baspana baǵasynyń qymbattaýy devalvatsııa áserimen baılanysty. ıAǵnı, devalvatsııa qurylys materıaldarynyń qunyna belgili bir dárejede áser etti. Máselen, Qazaqstanda óndiriletin kirpish, tsement jáne basqa da qurylys qospalary baǵasy turaqty bolǵanymen, birqatar materıaldarǵa baǵa ósimi baıqalady. Sonymen qatar holdıng basshysy álemdik ekonomıkalyq ahýalǵa qatysty da óz oıymen bólisti. «Boljam jasaý qaıyrymsyz is. Degenmen, túrli jaıttarǵa, onyń ishinde jaǵymsyz stsenarıılerge de daıyn bolýmyz qajettigi sózsiz. Sońǵy 20 jyldyń ishinde álem qatty ózgerdi. Qazirgi ýaqytta álemde bir ǵana emes, eki nemese úsh ekonomıkalyq ortalyq bar. ıAǵnı, AQSh pen Eýropa bir ekonomıkalyq ortalyq bolsa, Qytaı bastaǵan Azııa múldem basqa. Al Úndistan - úshinshi ekonomıkalyq ortalyq», - dedi ol.
