Astana men Almatyda medıtsına salasyndaǵy bilim men daǵdyny baǵalaý ortalyqtary qurylady
ASTANA. 13 sáýir. QazAqparat - Bıyl Astana men Almaty qalalarynda medıtsına salasyndaǵy bilim men daǵdyny baǵalaý ortalyqtary qurylatyn bolady.
Búgin QR Senat depýtattarynyń qatysýymen ótken densaýlyq saqtaý salasyna tehnologııalardy berý jónindegi jobalardy iske asyrý máselelerine arnalǵan jıyn barysynda Densaýlyq saqtaý mınıstri Salıdat Qaıyrbekova osylaı málim etti.
Mınıstrdiń aıtýynsha, densaýlyq saqtaý salasyn damytýdaǵy basty baǵyttardyń biri - densaýlyq saqtaý salasynyń aqparattyq júıesin damytý bolyp tabylady. Bul rette «elektrondyq densaýlyq saqtaý» salasyndaǵy jumys negizgi eki baǵytpen júrgizilýde. «Birinshi - aqparattyq-tehnıkalyq ınfraqurylymdy qalyptastyrý. Bul úsh oblys pen Astana qalasynda júzege asady. Ekinshisi - elimizdiń barlyq óńirlerinde jańa zamanaýı portaldyq sheshimder engizý», - deıdi vedomstvo basshysy.
Onyń aıtýynsha, portaldyq sheshimder júıesin engizý kúrdeli másele ári densaýlyq saqtaý júıesiniń barlyq deńgeıinde qoldanylatyn bolady. Degenmen, bul baǵytta resýrs únemdeýshilik aıtarlyqtaı boljanady.
«Biz osyndaı únemdelgen qarajattardy eldiń barlyq óńirleri boıynsha ІT jabdyqtar satyp alýǵa, aqparattyq ınfraqurylymdar ıemdenýge jumsaýdy kózdep otyrmyz», - deıdi S.Qaıyrbekova.
