Astana men Almatyda ǵylymı-ınnovatsııalyq klınıka paıdalanýǵa beriledi
«Astana jáne Almaty qalalarynda eki ǵylymı-ınnovatsııalyq kópbeıindi klınıka salynýda. Kelesi jyldyń basynda paıdalanýǵa beriledi», - dedi Ajar Ǵınııat «Deni saý ult» ulttyq jobasynyń birinshi jartyjyldyqtaǵy nátıjeleri jaıynda baıandaı kele.
Onyń atap ótýinshe, Dúnıejúzilik densaýlyq saqtaý uıymy maquldaǵan «Patsıentke baǵdarlanǵan tásil» medıtsınalyq-sanıtarııalyq alǵashqy kómektiń ozyq praktıkalarynyń jobalary engizilýde.
«Bıylǵy jyly Almaty oblysynyń Eńbekshiqazaq aýdanynda ozyq praktıkalar kórsetý boıynsha Dúnıejúzilik densaýlyq saqtaý uıymynyń Eýropalyq óńiriniń 53 múshe-memleketi úshin medıtsınalyq-sanıtarııalyq alǵashqy kómek boıynsha álemdegi birinshi demonstratsııalyq alań ashyldy. Bizdiń tájirıbemiz basqa elderge úlgi bolýda. Respýblıka boıynsha «Altyn saǵat» prıntsıpin shuǵyl patsıentterge qamtamasyz etý úshin kópbeıindi aýdandyq ortalyq aýrýhanalard deńgeıinde 12 aýrýhana jumys isteıdi. Osy jarty jyldyń ishinde Jambyl oblysynyń Shý qalasynda bir aýdanaralyq aýrýhana uıymdastyryldy. Bul jumys ary qaraı jalǵasýda», - dedi mınıstr.
