Astana men Almatyda frantsýz mektepteri ashylady – Toqaev pen Makronnyń birlesken málimdemesi
PARIJ. QazAqparat – Astana men Almatyda eki frantsýz mektebi ashylady. Bul týraly Qazaqstan Prezıdenti Qasym-Jomart Toqaev pen Frantsııa Prezıdenti Emmanıýel Makronnyń birlesken málimdemesinde aıtylǵan, dep habarlaıdy QazAqparat.
Málimdemede Prezıdentter bilim salasyndaǵy yntymaqtastyqtyń basymdylyǵyn atap ótken.
«Olar Astana men Almatyda eki frantsýz mektebin ashýǵa jáne damytýǵa qoldaý bildirdi.
Stýdentterdiń utqyrlyǵyn, atap aıtqanda «Abaı-Vern» baǵdarlamasy sheńberinde shákirtaqylar sanynyń kóbeıýine jáne «Bolashaq» baǵdarlamasy boıynsha frantsýz joǵary oqý oryndary tizimin keńeıtý arqasynda arttyrýdy qoldady.
Sondaı-aq Sorbonna-Qazaqstan ınstıtýtyn qaıta formattaýdy qoldaıtyndyqtaryn bildirdi jáne 2022 jylǵy 30 qarashada Parıjde 7-shi Qazaqstan-Frantsııa joǵary bilim forýmynyń ótýin, sondaı-aq bilim berý salasyndaǵy birqatar qujattarǵa qol qoıýdy quptady», - delingen Aqordaǵa jarııalaǵan birlesken qujatta.
