Astana men Almatyda aýa sapasy nasharlaıdy
ASTANA. QazAqparat - Beısenbi, 30 tamyz kúni elimizdiń kóptegen qalalarynda meteorologııalyq jaǵdaı jaıly bolady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, sınoptıkterdiń málimetinshe, jaǵymsyz meteojaǵdaı tek Astana men Almaty qalalarynda kútiledi. Oral qalasynda qolaısyz atmosferalyq jaǵdaı jalǵasady.
Al Aqtaý, Almaty, Qaraǵandy, Qostanaı, Qyzylorda, Pavlodar, Petropavl, Taldyqorǵan, Taraz, Óskemen jáne Shymkent qalalarynda aýa sapasy jaǵymdy bolatyny boljanady.
Qolaısyz meteorologııalyq jaǵdaılar - atmosferalyq aýanyń jerge jaqyn ornalasqan qabatynda zııandy (lastaýshy) zattardyń jınalýyna yqpal etetin qysqamerzimdi meteofaktorlardyń (tymyq, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi aýanyń sapasy nasharlaýy yqtımal.
