Astana men Almatyda 3G baılanys jıiligi iske qosyldy - «Kar-Tel» JShS
ASTANA. 23 qarasha. QazAqparat /Jasulan Amanbaıuly/ - «Kar-Tel» JShS uıaly baılanys operatory Astana jáne Almaty qalalarynda 3-inshi býyndaǵy baılanys jelisiniń (3G) iske qosylǵandyǵyn habarlady.
«Bılaın» ataýymen belgili baılanys operatory Astana men Almaty qalalarynda ornalasqan 3G bazalyq stansysyn ázirshe synaq rejiminde qosyp otyr. Jeli kommertsııalyq turǵyda tolyǵymen 1 jeltoqsannan bastap paıdalanýǵa beriledi. Bul týraly búgin Astanada QR Baılanys jáne aqparat mınıstrligi men «Kar-Tel» kompanııasynyń ókilderiniń qatysýymen ótken baspasóz máslıhatynda málim etildi.
3G baılanysy arqyly jyldamdyǵy joǵary ınternetke qol jetkiziledi. Sondaı-aq video-on-demand (VOD) sekildi jańa qyzmet túrlerin paıdalaný múmkindigine ıe bolamyz. 3G-diń málimetterdi jetkizý jyldamdyǵy óte joǵary 144 kbıt/sekýndtan 7 Mbıt/sekýndqa deıin jetedi. Kompanııa atalǵan jobanyń bastapqy kezeńinde 20 mln. teńge jumsaǵan.
«3G - telemedıtsına, bıznes, qashyqtyqta bilim berý kóptegen salalardyń damýyna serpin berip, qoǵam ómirin ınternettendirýge úlesin qosady», deıdi «Kar-Tel» JShS Bas dırektorynyń birinshi orynbasary, tehnıkalyq dırektor Tuńǵyshbek Battalhanov.
QR Baılanys jáne aqparat mınıstrligi uıaly baılanys operatorlaryna Qazaqstan aýmaǵynda 3G baılanysyn usynýǵa ýaqytsha ruqsatnamalar bergen bolatyn. «Eń birinshi biz EQYU Sammıti men Azııada oıyndarynyń qarsańynda Astana jáne Almaty qalalarynda 3G baılanysyn óristetýlerine múmkindik berip otyrmyz. Búgingi kúni bul múmkindikti uıaly baılanys kompanııalary sátti qoldanyp jatyr. Búginderi «Kar-Tel» kompanııasy, jaqyn arada kcell kompanııasy da 3G standarttaryna saı resýrstardy usynbaq», dep atap kórsetti QR Baılanys jáne aqparat mınıstrligi Baılanys jáne aqparattandyrý komıtetiniń tóraǵasy Rızat Nurshybekov.
Onyń aıtýynsha, 3G standartyn ótkizý úshin radıojıilikti paıdalanýǵa tólenetin tólemaqy kólemi anyqtaldy. Uıaly baılanys operatorlary radıojıilik úshin birjolǵy tólem kólemi 5 mlrd. teńgeni quraıdy dep kútýde, sonymen qatar Salyq Kodeksine saı radıojıilikti paıdalanǵany úshin jylyna 500 mln. teńge salyq taǵy bar.
