Astana men Almaty jáne taǵy 5 qalada aýa sapasy nasharlaıdy

ASTANA. QazAqparat – Búgin Astana men Almaty jáne elimizdiń taǵy 5 qalasynda aýa sapasy nasharlaıdy, dep habarlaıdy QazAqparat «Qazgıdrometke» silteme jasap.

8 mamyrda Qaraǵandy, Temirtaý, Óskemen, Semeı, Rıdder, Almaty jáne Astana qalalarynda aýanyń qolaısyz meteorologııalyq jaǵdaılary boljanady.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.