Astana men Almatynyń arasyndaǵy jolǵa qansha tonna asfalt tóseledi
ASTANA. KAZINFORM – «Astana – Almaty» avtomobıl jolyn rekonstrýktsııalaý jobasyn júzege asyrý aıasynda shamamen 2,5 mıllıon tonna asfalt tóseý josparlanýda.
«Qazirgi ýaqytta respýblıkalyq mańyzy bar avtojoldarǵa bir mıllıon tonnaǵa jýyq asfaltbeton tóseldi. Máselen, Astana men Almatyny jalǵaıtyn «Ortalyq – Ońtústik» dálizin rekonstrýktsııalaý jobasyna 560 myń tonna asfaltbeton tóselgen. «Aqtóbe – Qandyaǵash» jobasynda 125 myń tonna asfalt tóseldi», — dedi QR Kólik mınıstrligi Avtomobıl joldary komıtetiniń tóraǵasy Tólegen Abdýllın.
«Taldyqorǵan – Óskemen» tasjolyn rekonstrýktsııalaý barysynda 638 myń tonna asfaltbeton paıdalaný kózdelgen.
Al «Atyraý – Astrahan» avtojolyn rekonstrýktsııalaýdy aıaqtaýúshin 500 myń tonnaǵa jýyq asfaltbeton tóseý josparlanýda.
Bıylǵy jol qurylysy maýsymy aıasynda QR Kólik mınıstrligi 12 myń shaqyrym joldy qurylys jumystarymen qamtymak. Bul – rekordtyq kórsetkish. Máselen, respýblıkalyq mańyzy bar 5,3 myń shaqyrym jolda jóndeý jumystary jalǵasyn tapsa, 4,2 myń jergilikti mańyzǵa ıe jol jóndeý jumystarymen qamtylady.
Sonymen qatar Kólik mınıstrligi salynǵannan beri jóndeý jumystary júrgizilmegen joldardy ortasha jóndeýmen qamtý boıynsha jańa aýqymdy baǵdarlamany iske asyrady. 2,5 myń shaqyrym jol ortasha jóndeý jumystarymen qamtylady. Bul oblysaralyq baılanysty aıtarlyqtaı jaqsartýǵa múmkindik beredi. Mysaly, 4 oblystyń aýmaǵy arqyly ótetin «Jezqazǵan – Petropavl» avtojoly ortasha jóndeý jumystarymen qamtylady. Aqtóbe oblysyndaǵy «Qandyaǵash – Embi – Shalqar – Yrǵyz» tasjolyn, al Shyǵys Qazaqstan jáne Abaı oblystarynda Óskemen men Semeı arasyndaǵy avtomobıl joly jóndelmek.
