Astana men Almatydaǵy mýzykalyq is-sharalar afıshasy
ASTANA. KAZINFORM – Kele jatqan mádenı maýsymda Astana men Almatyda birneshe mýzykalyq is-shara ótedi.
Astana
26 sáýirde Astanada ıtalııalyq tenor Alessandro Safına sımfonııalyq orkestrdiń súıemeldeýimen áıgili arııalary men romanstaryn oryndaıdy. Ol klassıkalyq mýzyka men pop-romantıkany úılestire alady jáne álem jurtshylyǵynyń júreginen oryn alǵan.
3 mamyrda Vera Brejneva elordada kontserttik baǵdarlamasyn usynady. Ánshi jańa týyndylarymen qatar barshaǵa tanys hıt ánderin de oryndaıdy.
4 mamyrda tanymal eýropalyq pop ánshi SANDRA Astanada jeke kontsertin beredi. Bul is-shara onyń «The Best» álemdik týry aıasynda ótedi jáne Qazaqstandaǵy jalǵyz kontserti bolmaq.
Almaty
16 jáne 17 mamyr kúnderi Sergeı Jýkov pen «Rýkı Vverh» tobynyń kontserti ótedi.
16 mamyrda Almatyda ýkraınalyq ánshi Bıanka óner kórsetedi. Tanymal ánshi kóńildi yrǵaqty ánderimen qatar qazaqstandyq estrada mýzykanttarymen birge jazǵan týyndylaryn da oryndaıdy.
Sonymen birge 26 mamyrda kóktemniń eń basty oqıǵalardyń biri – Dımash Qudaıbergenmen eksklıýzıvti fan-kezdesý ótedi. Onda tyńdarmandar súıikti ánshisimen kezdesip, jandy daýysta án tyńdaıdy.
Buǵan deıin habarlanǵandaı, 1 tamyzda amerıkalyq aktrısa ári ánshi Djennıfer Lopes «Up All Night» týry aıasynda «Astana Arenada» óner kórsetedi.