Astana men Almatydaǵy ǵarysh ortalyqtary strategııalyq nysandar tizbesinen shyǵarylady

ASTANA. KAZINFORM — Bul týraly Tsıfrlyq damý, ınnovatsııalar jáne aeroǵarysh ónerkásibi mınıstrligi daıyndaǵan Úkimet qaýlysynyń jobasynda aıtylǵan.

— Joba «Ǵaryshtyq aqparattardy qabyldaý ortalyǵy (KAQO) (Almaty q.)» men «L. N. Gýmılev atyndaǵy Ulttyq ýnıversıtettiń bazasyndaǵy ǵaryshtyq monıtorıng ortalyǵyn (ǴMO) (Astana q.)» strategııalyq nysandar tizbesinen alyp tastaýǵa baǵyttalǵan. Bul sheshim atalǵan nysandardaǵy jabdyqtardyń tolyq fızıkalyq jáne moraldyq turǵydan tozýyna baılanysty qabyldanyp otyr, — dep jazylǵan qujattyń túsindirmesinde.

Sondaı-aq, bul eki nysan «Ulttyq ǵaryshtyq zertteýler men tehnologııalar ortalyǵy» AQ balansynan da shyǵarylǵan.

Buǵan deıin Premer-mınıstr Oljas Bektenov Qazaqstannyń tórtinshi ǵaryshkerin orbıtaǵa jiberý bastamalaryna jaýap qatqan bolatyn.