Astana men Almatyda jedel járdem qyzmetkerleri vıdeojeton paıdalana bastady
ASTANA. KAZINFORM – Astana men Almatyda jedel járdem qyzmetkerleri vıdeojeton paıdalana bastady. Bul týraly QR Densaýlyq saqtaý vıtse-mınıstri Erbol Ospanov málimdedi.
— Jaqyn arada Astana men Almaty qalasynda jedel járdem qyzmetkerleriniń beınejetondardy paıdalaný jańa pılottyq jobasy iske qosyldy. Buǵan deıin jedel-járdem qyzmetkerlerine patsıentterdiń kúsh kórsetý oqıǵalary bolǵanyn bilesizder. Búginge deıin medıtsına mamandary osyndaı qurylǵyny paıdalana otyryp 3000-nan astam shaqyrtýǵa bardy. Bir baıqaǵanymyz, adamdar vıdeojetondy kórisimen ózin sypaıy ustaı bastaıdy, - dedi ol OKQ alańynda.
Málimetke saı, qurylǵylar SOS batyrmasymen, geolokatsııa fýnktsııasymen jabdyqtalǵan jáne shaqyrtýǵa barǵandaǵy beınejazbany avtomatty túrde saqtaıdy. Bolashaqta jobany búkil elge taratylmaq.
Aıta keteıik, sáýir aıynyń sońynda Densaýlyq saqtaý mınıstri Aqmaral Álnazarova aldaǵy ýaqytta jedel járdem qyzmetkerleri shaqyrtýlarǵa vıdeojetonmen baratynyn habarlaǵan bolatyn.
Elimizde 1 mamyrdan bastap jedel járdem qyzmeti men mobıldi brıgadalar ekige bólinip jumys isteı bastady. Olardyń aıyrmashylyǵy nede? Qaı brıgada qandaı kólikpen júredi? Jınalmaly sómkelerinde ne bolýy tıis? Bul suraqtardyń jaýabyn myna jerden tabasyz.