Astana men Almatyda jáne taǵy bes qalada aýa sapasy nasharlaıdy – Qazgıdromet
ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.
26 maýsymda Qaraǵandy, Jezqazǵan, Temirtaý, Taldyqorǵan, Almaty, túnde Kókshetaý, Astana qalalarynda qolaısyz meteorologııalyq jaǵdaılar kútiledi, – delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Eske sala ketsek, zańsyz qoqys úıindilerimen kúresý maqsatynda Almatyda TazaQala platformasy iske qosyldy.
Al jasandy ıntellekt Býrabaıdaǵy tórt órttiń aldyn alýǵa kómekteskenin jazdyq.
