Astana men Almatyda jáne ortalyq óńirdegi qalalarda aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
– 14 mamyrda qolaısyz meteorologııalyq jaǵdaılar Almaty qalasynda, túnde Astana, Jezqazǵan, Qaraǵandy, Temirtaý qalalarynda kútiledi, – delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Almatyda aýany lastaǵan avtoparkter 13 mln teńge aıyppul tóledi.
Al radıoaktıvti qaldyqtardy basqarýǵa arnalǵan jańa zań qandaı ózgeristerdi qamtıtynyn myna siltemeden oqı alasyz. Zańnyń negizgi maqsaty – radıoaktıvti qaldyqtardy basqarýdaǵy quqyqtyq tetikterdi jetildirip, radıatsııalyq jáne ekologııalyq qaýipsizdik talaptaryn kúsheıtý.
