Astana men Almatyda aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 2026 jylǵy 2 qańtarda Óskemen, Semeı, Rıdder, Almaty, Astana qalalarynda aýanyń lastanýynyń qolaısyz meteorologııalyq jaǵdaılary kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, búgin eldiń barlyq aýmaǵynda aýa raıyna baılanysty eskertý jarııalandy.
Sondaı-aq sınoptıkter Astana, Almaty jáne Shymkent qalalarynyń turǵyndaryna aldaǵy úsh kúnniń aýa raıy boljamyn usyndy.