Astana men Almaty kóshelerinde eń jıi kezdesetin TOP-10 kólik ataldy
ASTANA. KAZINFORM – Sergek ITS mamandary Qazaqstannyń eki iri qalasy — Astana men Almatydaǵy kólik qozǵalysyn saralap, eń jıi tirkelgen kólik markalary men modelderin anyqtady.
Birneshe ýaqyt kezeńindegi derekterdi salystyrý arqyly sarapshylar joldarda jıi kezdesetin kólikterdiń TOP-10 tizimin jasady. Bul esepte belgili bir markadaǵy kóliktiń naqty jol ýchaskesinen qansha ret ótkendigi eskerildi. Aıta ketý kerek, bul — biregeı kólikter sany emes, bir kólik birneshe ret ótýi múmkin.
Astana
Zertteý 2025 jyldyń 12–20 qańtar aralyǵynda Turan dańǵylynyń Ortalyq saıabaq mańyndaǵy bóligi men Tulpar kópirinen Qorǵaljyn tas jolyna túsetin tusta júrgizildi.
Osy ýaqyt aralyǵynda elordada eń jıi tirkelgen kólik — Toyota Camry, shamamen 71 myń ret ótken. Ekinshi orynda Chevrolet Cobalt — 36,6 myń ret, al úshinshi orynda — Hyundai Tucson (31,5 myń). Sondaı-aq tanymal modelder qatarynda Hyundai Elantra (24,3 myń), Hyundai Accent (22,5 myń), Toyota Land Cruiser Prado (22 myń) jáne qytaılyq avtoóndirýshilerdiń kólikteri (19 myń) jıi kezdesken.
Almaty
Zertteý 2025 jyldyń 17 aqpanynan 7 sáýirine deıin Ál-Farabı dańǵylynyń shyǵys baǵytynda — Esentai Mall saýda ortalyǵynyń qarsy betinde jáne odan shyǵysqa qaraı júrgizildi.
Almatyda da kósh basynda — Toyota Camry (67,3 myń ret). Odan keıin Chevrolet Cobalt (63 myń). Úzdik úshtikti Hyundai Tucson (38,1 myń) túıindedi. Tórtinshi jáne besinshi oryndarda Hyundai Elantra (30,8 myń) men Hyundai Accent (shamamen 29 myń) tur. Altynshy orynda — Kia Rio (22 myń ret).
Aıta keteıik, bul málimetter Sergek ITS — ıntellektýaldy kólik júıesiniń kómegimen alyndy. Júıe jol qozǵalysyn baqylaý, taldaý jáne boljaý arqyly aqyldy qalalar úshin tıimdi sheshimder usynady.
Buǵan deıin Almatyda «Sergektiń» jańa qyzmeti myńnan astam zań buzýshylyqty anyqtaǵanyn jazdyq.