Astana men Almaty áýejaıynan bıometrııalyq sáıkestendirý arqyly ushýǵa bolady

ASTANA. KAZINFORM – Endi áýe reısiniń ýaqyty shegerilse, ótemaqy tólenedi. Kólik mınıstrligi avıatasymaldaý salasyna erikti saqtandyrý júıesin engizbek.

Al áýejaılarǵa bıometrııalyq sáıkestendirý júıesi ornatylady. Sol arqyly reıske tirkelip, jeke derekterdi e-gov qosymshasy arqyly basqarýǵa bolady. ıAǵnı, jolaýshylardy tirkeý protsesine kerek operatsııalar bir ǵana is-áreketpen oryndalady. Ázirge mundaı múmkindik tek Astana men Almaty áýejaılarynda qoljetimdi.

− Bul jobamen qazir Kólik mınıstrligi, Tsıfrlyq damý mınıstrligi jáne Astana men Almaty áýejaılary aınalysyp jatyr. Bıyl 2025 jyly qoldanystaǵy kestemizge sáıkes, turǵyndar osy eki qala arasynda bıometrııa arqyly qatynap qalýy ábden múmkin, − QR Kólik mınıstrliginiń resmı ókili Lázzat Stamǵazıeva Jibek joly telearnasyna bergen suhbatynda.

Qazir elimizde 18 halyqaralyq jáne 6 óńirlik áýejaı jumys istep tur. Termınaldardyń deni jańaryp keledi. Byltyr Shymkent pen Qyzylorda qalalarynda sý jańa áýejaılar qoldanysqa berilgen. Sonyń arqasynda Qazaqstan halyqaralyq termınaldar reıtınginde TOP-50 eldiń qataryna qosyldy.

Eske sala ketsek, Shyǵys Qazaqstan oblysynda Prezıdent tapsyrmasymen qurylysy bastalǵan Katonqaraǵaı men Zaısandaǵy áýejaılar úshin avıatsııa salasy boıynsha mamandar daıarlanbaq.