Astana men Almaty arasyndaǵy avtojoldyń bir bóligi 2 aıǵa jabylady
QONAEV. KAZINFORM – 12 mamyrdan bastap Almaty oblysynda «Astana – Qaraǵandy – Almaty» avtojolynyń ýchaskesinde qozǵalys ýaqytsha shekteledi.
«QazAvtoJol» ulttyq kompanııasy «Astana – Qaraǵandy – Almaty» jolynyń 1121–1186 shaqyrym jáne 1194–1209 shaqyrym aralyqtarynda ortasha jóndeý jumystary júrgiziletinin habarlady. Osyǵan baılanysty bıyl 12 mamyrdan bastap 12 shildege deıin kún saıyn saǵat 06:00-den 20:00-ge deıin Kúrti – Shabyt ýchaskesinde (1121–1177 shq) kólik qozǵalysy ýaqytsha jabylady. Jóndeý jumystary kezeńinde kólik qozǵalysy aınalma jol arqyly uıymdastyrylady.
- Júrgizýshilerden baǵyttaryn aldyn ala josparlaýdy, ýaqytsha jol belgileriniń talaptaryn saqtaýdy jáne júrgizilip jatqan jumystarǵa túsinistikpen qaraýdy suraımyz, - dep habarlady kompanııadan.
Eske salaıyq, buǵan deıin Almaty oblysynda Kúrti — Qonaev avtojoly 4 jolaqqa keńeıgenin jazǵanbyz.
