«Astana» men «Aleksandrııa» komandalary arasyndaǵy joldastyq kezdesý 2:3 esebimen aıaqtaldy
ALMATY. 17 qańtar. QazAqparat /Erlik Erjanuly/ - Keshe Antalııada oqý- jattyǵý jıynyn ótkizip jatqan astanalyqtar aleksandrııalyq aıaqdopshylarmen joldastyq kezdesý ótkizdi.
Onda Oleg Protasov jattyqtyratyn astanalyqtar Ýkraına Premer-lıgasyndaǵy qurdastaryna 2:3 esebimen ese jiberdi. Oıyndaǵy esepti ýkraındyqtar ashqan bolatyn, ony Sergeı Ostapenko teńestirgen edi. 1-taımnyń aıaǵynda ýkraındyqtar taǵy da alǵa shyqty. Oıynnyń ekinshi jartysynda astanalyqtardyń taǵy bir jańa oıynshysy Dýshan Petronıevıch esepte qaıta teńestirdi. Alaıda 75-shi mınýtta ýkraındyqtar úshinshi ret alǵa shyǵyp, qazaqstandyqtar qansha tyrysqanymen kezdesýdiń sońǵy 15 mınýtynda tablodaǵy esepti ózgerte almady.
Astanalyqtardyń kelesi oıynyn 20-qańtarda Moldovanyń Joǵary lıgasynda óner kórsetetin Kıshınev qalasynyń «Tsska-Rapıd» komandasymen ótkizbek. Bas bapker O. Protasov astanalyqtardyń jańa maýsymdaǵy alǵashqy oqý-jattyǵý jıynyn 7-qańtarda bastaǵan bolatyn. Ol endi 21-qańtarda óz máresine jetpek. Odan keıin astanalyqtar azdaǵan úzilisten keıin munda taǵy 2 jıyndaryn ótkizýdi josparlap otyr.
