Astana men Aqmola oblysynda jańbyr jaýady
ASTANA. QazAqparat - Astana jáne Aqmola oblysynda aýa raıyna baılanysty eskertý jarııalandy, dep habarlaıdy elorda ákimdiginiń resmı saıty «Qazgıdromet» RMK-ǵa silteme jasap.
Sınoptıkter 20 m/s-ke deıin jel soǵatyny týraly eskertýde. Boljam boıynsha, 1 qazanda kún bulttanyp, kúndiz jaýyn jaýady. Aýa temperatýrasy túnde +5+7°S, kúndiz +16+18°S bolady. Ońtústik-batystan soqqan jel soltústik-batysqa qaraı aýysyp, onyń jyldamdyǵy 5-10 m/s-ke jetedi.
Seısenbi, 2 qazan kúni kóshpeli bult shyǵyp, túnde jáne tańerteń jańbyr jaýýy yqtımal. Soltústik-batystan jyldamdyǵy 9-14 m/s jel soǵady tańerteń jáne kúndiz onyń ekpini 15-20 m/s-ke jetedi. Aýa temperatýrasy túnde +3+5°S, kúndiz +10+12°S-ty kórsetedi.
Sársenbi, 3 qazanda kún ashyq bolady. Jel batystan, ońtústik-batystan soǵyp,jyldamdyǵy 7-12 m/s-qa jetedi. Temperatýra túnde +2+4°S, kúndiz +13+15°S.
