«Astana» men «Akademııa ÝTM» komandalary arasyndaǵy joldastyq kezdesý 1:3 esebimen aıaqtaldy
ALMATY. 6 aqpan. QazAqparat /Erlik Erjanuly/ - Antalııada kezekti oqý-jattyǵý jıynyn ótkizip jatqan astanalyq fýtbolshylar 4 aqpanda Kıshınevtiń «Akademııa ÝTM» klýbymen joldastyq kezdesý ótkizdi.
Oleg Protasov jattyqtyratyn «Astana» onda moldovalyq qarsylastarynan 1:3 esebimen jeńilip qaldy. Matchta qazaqstandyq aıaqdopshylardyń Bas bapkeri Sankt-Peterbordaǵy dostastyq kýbogynan keıin quramaǵa kelip qosylǵan qorǵaýshy Damır Daýtov, jartylaı qorǵaýshy Islambek Qýat pen shabýylshy Denıs Prokopenkonyń oıynyn alǵash ret baǵalaýǵa múmkindik aldy. Sondaı-aq baıqaýda júrgen olardyń jastar quramasyndaǵy seriktesteri Evgenıı Gorıachıı men Abzal Beısebekovtiń jáne legıonerler Mılısavlevıch pen Emıl Dıkeniń de sheberligin synap kórdi. Astanalyqar endi 8 aqpanda Chehııanyń «Banık» klýbymen kezdespek. Olardyń bul jolǵy qarsylasy birneshe dúrkin el chempıony jáne kýbog ıegeri bolǵan Chehııanyń eń azýly komandalarynyń biri sanalady.
