Astana men 6 qalada aýa sapasy nasharlaıdy
«Qazgıdromet» RMK Qazaqstan qalalaryndaǵy aýa sapasyna boljamyn jarııalady, dep habarlaıdy Kazinform.
24 jeltoqsanda Almaty, Astana, Rıdder, Óskemen, Qaraǵandy, Temirtaý jáne Kókshetaý qalalarynda aýanyń lastanýynyń qolaısyz meteorologııalyq jaǵdaıy kútiledi. Ózge qalalarda aýa sapasy norma sheginde bolady.
Qolaısyz meteorologııalyq jaǵdaılar (QMJ) – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ kezinde eldi mekenderdegi atmosferalyq aýanyń sapasy nasharlaýy yqtımal.
