Astana men 2 oblysta aýa raıy buzylady
ASTANA. QazAqparat - Astana qalasynda Atyraý jáne Mańǵystaý oblystarynda aýa raıyna baılanysty eskertý jarııalandy, dep habarlaıdy QazAqparat «Qazgıdromet» RMK-ǵa silteme jasap.
9 tamyz kúni Atyraý oblysynyń keı aýmaqtarynda kún kúrkirep, jeldiń jyldamdyǵy sekýndyna 15-20 metrge deıin jetedi.
9 tamyzda Atyraý qalasynda da kún kúrkireýi múmkin.
Daýyl soǵý qaýpi - 80-85%.
9 tamyz kúni Mańǵystaý oblysynda kúndiz keı jerlerde kún kúrkirep, jeldiń jyldamdyǵy 15-20 m/s-qa deıin jetedi. Daýyl soǵý qaýpi - 90-95%.
Elordada tamyzdyń 10 kúni kúndiz jáne 11 kúni táýlik boıy naızaǵaı, daýyl soǵyp, burshaq jaýýy múmkin, soltústik-batystan soqqan jeldiń jyldamdyǵy 15-20 m/s-qa deıin jetedi.
Astana qalalyq tótenshe jaǵdaılar departamenti qala turǵyndaryn naızaǵaı men burshaq jaýǵanda qaýipsizdik sharalaryn qarastyrýyn suraıdy.
«Qatty jel, naızaǵaı men burshaq jaýǵanda:
- múmkindiginshe aýa-raıynyń qolaısyzdyǵyn irgeli qurylys nysandarynda tosa turǵan jón;
- kóshede baǵandardan, aǵashtardan, jarnamalardan, symdardan alys júrýge tyrysyńyz;
-páter men úılerde barlyq terezelerdi nyq jabyńyzdyr;
- jeke avtokóligińizdi aǵashtar men eski qurylystardan alys qoıyńyz; Naızaǵaı men qatty nóser joldyń kórýine kedergi bolyp, naızaǵaı júrgizýshige áser etip jol-kólik oqıǵasyna ákep soqtyrýy múmkin.
- naızaǵaı kezinde sý qoımalarynda sýǵa shomylýǵa jáne balyq aýlaýǵa bolmaıdy;
- oryn jaılarda terezeden alshaq bolyp, elektroquraldardy qoldanbaýǵa tyrysyńyz, burshaq sońy naızaǵaı bolýy múmkin.
- qurylys obektileri qolaısyz aýa raıy jaǵdaıy áserinen aýmaqtardy jáne turǵyndardy qorǵaý, qurylys alańdarynda múmkindikshe qurylys-montaj jumystaryna shekteý boıynsha qosymsha sharalardy qabyldaý qajet.
Tótenshe jaǵdaı týyndaǵan jaǵdaıda «112» nómirine qońyraý shalyńyz», - delingen habarlamada.
