Jańbyr jaýyp, jel soǵady, tuman bolady: Qazgıdromet birqatar óńir boıynsha eskertý jarııalady
ASTANA. KAZINFORM- 24 qyrkúıekte Astana men Qazaqstannyń 15 oblysynda kún raıyna baılanysty eskertý jarııalandy. Birqatar óńirde jańbyr jaýyp, naızaǵaı oınaıdy. Keı jerlerde tuman túsip, shańdy daýyl soǵady. Jel kúsheıip, ekpini sekýndyna 15-20 metrge deıin jetedi.
Kóptegen óńirde órt shyǵý qaýpi joǵary jáne tótenshe deńgeıde saqtalady, dep habarlaıdy Qazgıdromet.
Almaty, Shyǵys Qazaqstan, Jambyl, Qaraǵandy, Qostanaı jáne Soltústik Qazaqstan oblystarynda jańbyr jaýyp, naızaǵaı oınaıdy. Keı jerlerde tuman túsedi.
Atyraý, Mańǵystaý jáne Túrkistan oblystarynda shańdy daýyl soǵady. Atyraý oblysynda jeldiń ekpini sekýndyna 15-18 metrge, Mańǵystaý men Túrkistan oblystarynda 15-20 metrge deıin kúsheıedi.
Aqtóbe, Jambyl, Jetisý, Qaraǵandy, Qostanaı, Soltústik Qazaqstan jáne Ulytaý oblystarynda jel kúsheıip, onyń ekpini sekýndyna 15-20 metrge deıin jetedi.
Pavlodar oblysynda túnde jáne tańerteń tuman túsedi. Batys Qazaqstan oblysynda da jel kúsheıedi.
Astana, Almaty, Qonaev, Atyraý, Semeı, Taraz, Qaraǵandy, Aqtaý, Pavlodar, Petropavl, Shymkent, Túrkistan jáne Jezqazǵan qalalarynda órt shyǵý qaýpi joǵary nemese tótenshe deńgeıde saqtalady.
Órt shyǵý qaýpi birqatar óńirde joǵary deńgeıde, al Almaty, Abaı, Atyraý, Jambyl, Qaraǵandy, Mańǵystaý, Túrkistan jáne Ulytaý oblystarynyń keı jerlerinde tótenshe deńgeıde bolady.
Aıta keteıik, Astanada batpaqty jerdiń ornyna 4 mlrd teńgege ekosaıabaq salyndy.
