Astana men 12 oblysta aýa raıyna baılanysty eskertý jarııalandy

«Qazgıdromet» RMK málimetinshe, aýa raıyna baılanysty eskertý Astana qalasy men elimizdiń 12 oblysynda jarııalanǵan, dep habarlaıdy Kazinform agenttigi.

30 qarashada Astanada kóktaıǵaq bolady.

Qaraǵandy oblysy men Ulytaý oblysynda kóktaıǵaq bolady. Ońtústik-batystan jel soǵyp, kúndiz oblystyń soltústiginde ekpini 18 m/s deıin jetedi.

Mańǵystaý oblysynda ońtústik-shyǵystan jel soǵady, túnde oblystyń ońtústiginde, al kúndiz – ońtústigi men ortalyǵynda jel 18-20 m/s deıin kúsheıedi.

Almaty oblysynda qatty jaýyn-shashyn bolyp, tuman túsedi.

Aqtóbe oblysynda tuman bolady.

Soltústik Qazaqstan oblysynda kóktaıǵaq, jaıaý burqasyn bolyp, tuman túsedi. Ońtústik-shyǵystan jel soǵyp, oblystyń ońtústigi men batysynda ekpini 15-20 m/s deıin jetedi.

Qostanaı oblysynda jaýyn-shashyn, kóktaıǵaq, tuman jáne burqasyn bolady dep boljanýda.

Aqmola oblysynda kóktaıǵaq, jaıaý burqasyn bolyp, tuman túsedi. Ońtústik-batystan jel soǵyp, oblystyń batysynda, ońtústiginde jáne soltústiginde ekpini 15-20 m/s-ke jetedi.

Jetisý oblysynda batystan soǵatyn jeldiń jyldamdyǵy sekýndyna 15-20 metrge jetedi, túnde jel ekpini keı kezde 25 m/s deıin kúsheıedi.

Pavlodar oblysynda – tuman, kóktaıǵaq. Ońtústik-batystan jel soǵyp, kúndiz oblystyń batysynda, ońtústiginde ekpini 15-20 m/s deıin jetedi.

Túrkistan oblysynda keı kezderi qatty jaýyn (jańbyr, qar) jaýady, kóktaıǵaq bolyp, tuman túsedi. Soltústik-batystan soǵatyn jel baǵytyn shyǵysqa aýystyryp, túnde oblystyń soltústiginde jel 15-20 m/s deıin kúsheıedi.

Abaı oblysynda tuman túsedi. Ońtústik-shyǵystan soǵatyn jel baǵytyn ońtústik-batysqa aýystyrady. Oblystyń batysynda, ortalyǵyda jel ekpini 15-20, keı kezde 25 m/s deıin jetedi.