Astana memlekettik qyzmet haby eýropalyq ınstıtýttarmen yntymaqtaspaq
ASTANA. QazAqparat - Astana memlekettik qyzmet haby basqarýshy komıtetiniń tóraǵasy Álıhan Báımenov Ortalyq jáne Shyǵys Eýropadaǵy memlekettik basqarý ınstıtýttar men mektepter jelisiniń (NISPAcee) prezıdenti Derd Hajnalmen kezdesti. Bul týraly QazAqparat Habtyń baspasóz qyzmetine silteme jasap habarlaıdy.
Kezdesý barysynda eýropalyq memlekettik basqarý ınstıtýttarymen yntymaqtastyq máseleleri talqylandy.
«Tıisti memlekettik organdarmen qatar biz memlekettik basqarý salasyndaǵy Amerıkandyq qoǵam men Azııalyq qaýymdastyq sekildi kásibı uıymdarmen, sondaı-aq, memlekettik basqarý salasyndaǵy jetekshi ýnıversıtettermen yntymaqtastyq ornattyq. Osy baǵytta NISPAcee jelisimen de seriktestikti nyǵaıtýǵa múddelimiz» - dedi Álıhan Báımenov.
DerdHajnal óz kezeginde Astana habynyń óz mıssııasyn júzege asyrýdaǵy jetistikterin atap ótti.
«Astana habynyń qyzmeti ǵalamdyq sıpatqa ıe boldy. Búgingi tańda Hab álemniń kóptegen elderi úshin memlekettik qyzmet salasynda bilim almasýdyń biregeı alańy bolyp tabylady. Hab óz zertteýlerine ǵalymdarmen qatar, praktıkterdi de qatystyrady, sondyqtan Habtyń osy tájirıbesibizge óte mańyzdy»- dedi DerdHajnal.
Sonymen qatar, Hajnal myrza Astana habynyń zertteý basylymdarynyń sapasy men ózektiligin erekshe atap ótti. Kezdesý sońynda taraptar birlesip júrgizetin zertteýlerdi talqylap, bolashaq josparlardy aıqyndady. Habtyń sarapshylar reestri 25 eldiń 90 asa jetekshi mamandaryn biriktiredi. Al memlekettik basqarý salasyndaǵy 30 asa tanymal halyqaralyq uıym - Habtyń turaqty áriptesteri.
Qazirgi tańda, Astana habynyń qatysýshy elderiniń quramyna 40 memleket kiredi, solardyń ishinde EYDU, TMD, Kavkaz, Ortalyq Azııa jáne ACEAN elderi de bar.
