Astana mektepterinde ata-analarǵa arnalǵan kitap oqý buryshtary ashyldy
ASTANA. KAZINFORM — Astanadaǵy «Kitap oqıtyn ult» jobasy aıasynda Temirbek Júrgenov atyndaǵy №70 mektep-lıtseıinde ata-analarǵa arnalǵan kitap oqý buryshtary ashyldy, dep habarlaıdy elorda ákimdiginiń resmı saıty.
Kitap buryshtary, negizinen, balalaryn mektepten alyp ketýge kelgen kezde kútip otyratyn ata-analarǵa yńǵaıly oryndarǵa ornalastyrylǵan.
Endi ata-analar balasyn kútý ýaqytyn telefonǵa úńilýmen ótkizbeı, kitap oqýǵa arnaı alady.
Kitap sórelerinen bala psıhologııasy, tárbıe, ata-ana men bala arasyndaǵy qarym-qatynas jáne otbasy qundylyqtaryna arnalǵan ádebıetterdi kezdestirýge bolady.
— Joba arqyly mektep ujymy ata-analardy kitap oqýǵa yntalandyryp qana qoımaı, balalarǵa jeke úlgi kórsetýdiń mańyzdylyǵyna da nazar aýdarýdy kózdeıdi. Sebebi bala úshin kitap oqıtyn ata-ana – eń jaqsy úlginiń biri, — delingen habarlamada.
Buǵan deıin 7 myńǵa jýyq kitap oqyǵan elordalyq zeınetker jastarǵa keńes bergenin jazǵan edik.
