Astana mektepteriniń janyndaǵy birqatar kóshelerge qozǵalysty shekteýge arnalǵan belgiler ornatyldy
ASTANA. Qyrkúıektiń 3-i. QazAqparat - Astana mektepteriniń janyndaǵy birqatar kóshelerge qozǵalysty shekteýge arnalǵan belgiler ornatyldy. Sonymen qatar, Astana qalalyq Jol polıtsııasy basqarmasy kóshelerdiń qaı ýchaskelerinde jóndeý jumystary júrgizilip jatqany týraly habardar etti.
Sóıtip, JPB aqparaty boıynsha, Qabanbaı batyr dańǵylynyń ýchaskesindegi Syǵanaq kóshesinen M-3 kópirine deıin balalar arbasy ótpeleri men qudyqtardy kóterýge baǵyttalǵan jumystar júrgizilýde.
Aqmola kóshesinen Baraev kóshesine deıingi ýchaskedegi Imanbaev kóshesinde jol qozǵalysy bóligin tolyqtaı shekteý arqyly ortasha jóndeý jumystary júrgizilýde.
Abylaıhan dańǵylynan Táýelsizdik kóshesine deıingi ýchaskedegi Muńaıtpasov kóshesinde jáne Potanın kóshesi men Tilendıev kósheleri ýchaskesindegi Máskeý kóshesinde jol tolyqtaı jabylyp, jóndeý jumystary júrgizilýde.
Sonymen qatar, Kenesary-Jubanov, Kenesary-Pýshkın, Intellektýaldyq mektep jaqtaǵy Syǵanaq kóshesi, Abylaı han dańǵyly-B.Momyshuly, Beıbitshilik-Kenesary jáne Beıbitshilik -Omarov kósheleriniń boıyna «Abaılańyz, balalar» jáne «Qatty jyldamdyqqa shekteý» dybys jolaqtary men jol belgileri ornatylýda.
