Astana mektepteriniń ashanalaryna tamaq ishkeni úshin aqy tóleıtin termınaldar ornatyldy
Bul týraly astana.kz saıtyna qalalyq Bilim basqarmasynan málim etti.
Olar tapsyrys qabyldaýdy avtomatty úderis arqyly jedeldetip, mekteptiń ashanalary men býfetterinde kezekte turýdy qysqartýǵa kómektesedi.
«Bolashaq mektebi - búginnen» jobasy boıynsha oqýshylardyń tamaǵyna aqy tóleý úshin qosymsha karta ashylýy qajet. Qazirgi qolda bar «mektep oqýshylarynyń kýáligi» tamaq alarda tólem kartasy retinde esepteledi. Belgili bir ýaqytqa qolma-qol aqshamen esep aıyrysý da, qolma-qol aqshasyz esep aıyrysý da qatar júredi», - dep túsindirdi vedomstvodan.
Basqarmanyń málimeti boıynsha, termınaldar arqyly balalar as mázirin tańdaý, as mázirine ózgerister engizý, sany, baǵasy, jalpy baǵasy, tapsyrys ýaqyty, karta nómiri kórsetilgen chek, termınal tólemderi arqyly «mektep oqýshysy kýáliginiń» balansyn toltyrý, jeke kabınet arqyly ratsıondy qaraý, ashanada taǵam túrlerin tańdaý, jeke kabınet arqyly dara statıstıka júrgizý, qarjylyq tranzaktsııany iske asyrý syndy negizgi qyzmetterdi atqara almaq.
Eske salaıyq, «Bolashaq mektebi - búginnen» jobasy elordada 2011 jyldyń qazanynda bastaldy. Búgingi kúni joba qala mektepteriniń 9-ynda júzege asyrylýda. Olar: Ǵafý Qaıyrbekov atyndaǵy №2 mektep-gımnazııa, Tólegen Aıbergenov atyndaǵy №16 orta mektep, Syrbaı Máýlenov atyndaǵy orta mektep, Álkeı Marǵulan atyndaǵy №40 orta mektep, № 48 mektep-lıtseı, № 53 mektep-lıtseı, № 60 mektep-lıtseı, № 61 orta mektep, № 62 mektep-lıtseı, №54 jáne 64 mektepterde tolyq júzege asyrylǵan.
