Astana mektepterine qaldyqtardy bólip salýǵa arnalǵan konteınerler qoıylmaq
ASTANA. QazAqparat - Astana qalasynyń bilim basqarmasy men turmystyq qaldyqtardy jınap, bólý jumysyn júrgizetin «Clean City NC» kompanııasy, Áleýmettik mańyzy bar bastamalardy damytý qorynyń basshylary ózara kelisimge qol qoıdy, dep habarlaıdy QazAqparat tilshisi.
Kelisim negizinde qol jetkizilgen qujatqa sáıkes, Astananyń barlyq mektepterinde turmystyq qaldyqtardy bólip salýǵa arnalǵan konteınerler qoıylmaq. Al turmystyq qaldyqtardy bóle salǵan oqý oryndaryna syılyq retinde keńseniń kerek-jaraqtary taratylady.
«Jyl boıy kompanııa bizdiń qor elordadaǵy №37 mektepte qyzyqty tájirıbeni júzege asyrdy. Mektepte turmystyq qaldyqtardy bólip salýǵa arnalǵan konteınerler ornatyldy. Oqýshylar mektep aýmaǵyndaǵy qoqystar men qaldyqtardy jınap, sol konteınerlerge bólip jınaýdy úırendi. Taldaýymyz boıynsha, aı saıyn 400 keli bolatyn makýlatýra men plastık jınalady eken. Bul eńbektiń arqasynda atalmysh oqý oryny keńse kerek-jaraqtaryna ıe boldy. Olardyń qatarynda qaǵaz, boıaý sekildi kerek-jaraqtar bar. Osy kelisim aıasynda qalanyń barlyq mektepteri endigári osy júıege engiziletin boldy», - deıdi Áleýmettik mańyzy bar bastamalardy damytý qory tóraǵasynyń orynbasary Tatıana Nemtsan.
Foto: www.kurer-sreda.ru
