Astana mektepterine bıýdjetten jetkilikti qarajat bólinedi - E.Sýhanberdıeva
ASTANA. QazAqparat - Astana mektepterinde ata-analardan aqsha jınaý faktileri joq, sebebi mektepter bıýdjetten jetkilikti túrde qarjylandyrylady.
Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda Astana qalasy Bilim basqarmasynyń basshysy Elmıra Sýhanberdıeva málim etti.
«Biz aqshany jetkilikti dárejede bólip otyrmyz, balabaqshalarda, mektepterde, kolledjderde ata-analardan aqsha jınaý oqıǵalary bolǵan emes. Dırektordyń ózi mektepterdegi aqsha jınaý faktilerin boldyrmaýǵa tyrysady. Muǵalimge, mektep basshylyǵyna ata-analardan qarajat jınaý tyıym salynǵan. Óıtkeni biz qarajatty jetkilikti deńgeıde bólýdemiz», - dep habarlady basqarma bastyǵy.
Onyń aıtýynsha, mektep qajettilikteri úshin balalardan qarajat jınaý zańsyz áreket jáne ondaı oqıǵalar anyqtalatyn bolsa, aıypty tulǵalar qatań jazalanatyn bolady.
