Astana mektepterinde «Jas polıtseılerdiń kadet synyptary» ashylýda
ASTANA. QazAqparat - Astanada Raıymbek batyr atyndaǵy № 50 «Qazǵarysh» mektep-lıtseıinde «Jas polıtseılerdiń alǵashqy kadet synyby» ashyldy, dep habarlaıdy QazAqparat.
Astana qalasynyń Polıtsııa departamentinen málim etkendeı, alǵash qurylǵan kadettik synypqa 10-synypta oqıtyn - 30 oqýshy, 6-synyptan 20 oqýshy qabyldanyp, olar salnatatty jaǵdaıda ant berdi.
«Kadettik synyptaǵy barlyq oqýshylar mektep Jarǵysynyń talaptaryn oryndaýǵa mindetti. Sonymen qatar «Jas polıtseılerdiń kadettik synybynyń» erejesine sáıkes tabandylyqpen jáne ijdaǵattylyqpen bilim alýǵa, óz-ózin jan-jaqty damytýǵa, bilimdi jáne mádenıetti adam bolýǵa, óziniń qoǵamdyq jáne áskerı boryshyn oryndaýǵa árdaıym umtylýy tıis. Sondaı-aq olardan mektep pen kadettik synyptyń bedelin bıik ustaý talap etiledi», - delingen habarlamada.
Raıymbek batyr atyndaǵy № 50 «Qazǵarysh» mektep-lıtseıiniń ákimshiligi men oqýshylary qalalyq Polıtsııa departamentiniń basshylyǵynan gramotalar men alǵys hattar aldy.
Aıta keteıik, «Jas polıtseılerdiń kadet synyptaryn» 2019 jyly №25, 61 jáne 74 mektepterde ashý josparlanýda.
