Astana mektepterinde jappaı robototexnıka oqytylady
ASTANA. QazAqparat - Búgin Beıbitshilik jáne kelisim saraıynda aldaǵy ustazdar meıramyna arnalǵan saltanatty shara ótti. Astanalyq muǵalimderdi qala ákiminiń orynbasary Málıka Bekturova quttyqtady, dep xabarlaıdy QazAqparat tilshisi.
"Qymbatty ustazdar, ákim men ákimdiktiń barlyq ujymy atynan Sizderdi kásibı merekelerińizben shyn júrekten quttyqtaımyn. Shyny kerek, árbir adamnyń júreginde ustazdyń orny bólek. Sebebi ol 11 jyl boıy bizge bilim berip, tárbıege úıretti. Negizi, barshamyz úshin bul - úlken mereke. Sizder Astananyń gúldenýine ǵana emes, jalpy Qazaqstannyń ósip-órkendeýine eleýli úles qosyp kelesizder!", - dedi Bekturova.
Onyń aıtýynsha, búginde bilim berý salasyna bıýdjet tarapynan bólinetin qarjynyń kólemi jyl ótken saıyn artyp keledi.
"Bıyldan bastap Astanadaǵy 70 mektepte robototexnıka páni oqytyla bastady. Kelesi jyldyń aıaǵyna deıin qalanyń barlyq mektepteri smart-mektepterine aınalady. Mektepterdi texnıkalyq jaǵynan jabdyqtaý sharalary da jalǵasa beredi", - dep atap kórsetti qala ákiminiń orynbasary.
