Astana mektepterinde úsh aýysymdyq oqý joıyldy
ASTANA. QazAqparat - Astana mektepterinde úsh aýysymdyq oqýdan bas tartty.
Astana q. Іshki saıasat basqarmasynyń aqparatynsha, astana mektepterinde 115 myń oqýshy úshin 2015-2016 oqý jyly bastaldy. 15,5 myń bala birinshi synyp oqýshysy atandy.
2011 jyldan 6 mektepte úsh aýysymdyq sabaqtar bolǵan. Keıin olardyń sany 5, al 2014-2015 oqý jylynda ekige deıin qysqardy. Bıyl 3 jańa mektep qoldanysqa berilip, balalardy jetkizý uıymdastyrylǵan soń úsh aýysymdyq oqý joıyldy.
Búginde Astanada 80 memlekettik mektep balalardy eki aýysymda oqytady.
