Astana mektepterinde sabaqtyń bolmaıtyny týraly habarlama jalǵan bolyp shyqty
ASTANA. QazAqparat - Astana mektepterinde ekinshi aýysymda 1-5 synyptarǵa sabaqtyń bolmaıtyny týraly habarlama jalǵan bolyp shyqty, dep habarlaıdy QazAqparat.
Astanada ekinshi aýysymdaǵy oqýshylar úshin sabaq bolmaıdy degen habarlamalar áleýmettik jeli arqyly taratylýda jáne ata-analardy jańylystyrýda.
«Astana ákimdigi búgin ekinshi aýysymdaǵy 1-5 synyp oqýshylary úshin sabaq ótkiziletinin habarlaıdy. Sabaqtar keste boıynsha ótedi», - delingen ákimdiktiń feısbýk paraqshasy arqyly taratylǵan habarlamada.
Eske sala keteıik, búgin, 6 aqpanda aýa-raıynyń nasharlaýyna baılanysty (aýa temperatýrasy -25 gradýsqa deıin túsýi) birinshi aýysymdaǵy 1-4 synyp oqýshylaryna sabaq bolǵan joq.
