Astana mektepterinde sabaq bolmaıdy
ASTANA. QazAqparat - Astana qalasynda aýa raıynyń qolaısyzdyǵyna baılanysty mektep oqýshylarynyń sabaǵy toqtatyldy, dep habarlaıdy QazAqparat qalalyq Bilim basqarmasyna silteme jasap.
«2018 jyldyń 29 qarashasy kúni aýa raıynyń kolaısyzdyǵyna baılanysty qala mektepteriniń ekinshi aýysymyndaǵy 0-11(12) synyp oqýshylary úshin sabaq bolmaıdy», - dep habarlady Bilim basqarmasynyń resmı ókili Jazıra Asanova.
Aıta keteıik, birinshi aýysymda oqıtyn 1-11 synyp oqýshylary úshinshi sabaqtan keıin úılerine qaıtaryldy.
«Qazgıdromet» RMK 28-30 qarasha kúnderi elimizdiń 8 óńirinde kún sýytatynyn habarlady. Astana qalasynda qar jaýyp, burqasyn jáne kóktaıǵaq bolady. Ońtústik-batystan soǵatyn jeldiń baǵyty soltústik-batysqa aýysyp, onyń ekpini tańerteń jáne túnde 15-20 m/s, keı ýaqyttarda 25 m/s jetýi múmkin. 30 qarasha túnde aýa temperatýrasy 15-17 gradýsqa deıin tómendeıdi.
