Astana mektepterinde oryn tapshylyǵy bar – elorda ákiminiń orynbasary

ASTANA. QazAqparat – Astana qalasynyń kommýnıkatsııalar qyzmetinde ótken brıfıngide elorda ákiminiń orynbasary Eset Baıken bilim berý uıymdarynyń jańa oqý jylyna daıyndyǵy jaıly baıandady, dep habarlaıdy QazAqparat tilshisi.

«Búgingi tańda bizde oqýshy oryndarynyń tapshylyǵy bar. Tıisinshe mektep salý qajettiligi týyndaıdy. Úsh aýysymdy bilim berýdi jáne mektepterdiń tolýyn boldyrmaý maqsatynda búgingi tańda 14 mekteptiń qurylysy júrgizilýde. Onyń 11-i bıyl paıdalanýǵa beriledi, 11 nysannyń tórteýi 1 qyrkúıekten bastap jumys isteı bastady», - dedi Eset Baıken.

Onyń aıtýynsha, bıyl elordadaǵy 49 bilim berý nysanyna jóndeý júrgizilgen.

«Búgingi tańda qalanyń barlyq oqý oryndary tsıfrlyq beınebaqylaý júıesimen qamtamasyz etilip, avtomatty órt dabylyna qosylǵan. Barlyq oqý oryndarynda 1 sanatty lıtsenzııasy bar kúzet kompanııalary qyzmet kórsetedi. Sondaı-aq bilim berý obektileri 100% týrnıketpen qamtamasyz etilgen», - dep toqtaldy ákimniń orynbasary.

Elordada 169 mektep bar. Onyń ishinde 101-i memlekettik, 61-i jekemenshik, 7-i respýblıkalyq. Sondaı-aq, «Jaıly mektep» ulttyq jobasy aıasynda 90 myń oryndyq 24 mektep salynady.