Astana mektepterinde kadr tapshylyǵy sezilýde - Elmıra Sýhanberdıeva
ASTANA. QazAqparat - Aldaǵy jyldary Astanada mektep oqytýshylarynyń tapshylyǵy ýshyǵýy múmkin. Bul týraly búgin elordalyq pedagogtardyń jyl saıynǵy Tamyz keńesinde qalalyq Bilim basqarmasynyń basshysy Elmıra Sýhanberdıeva málim etti.
«Búginde astanalyq mektepterde 200-ge jýyq bastaýysh synyptardyń muǵalimderi men matematıka pániniń 50-den astam oqytýshysy jetispeıdi. Sonymen qatar 700 muǵalim zeınetkerlik jasqa jaqyndady jáne 2016 jylǵa deıin mektepten ketýi múmkin. Kadrlar tapshylyǵy 10 paıyzdan asýy yqtımal. Bul másele alańdatyp otyr. Osy oraıda tıisti sheshimdi búginnen bastap qabyldaý kerek»,- dedi ol. Onyń paıymynsha, jas mamandardy mektepke jumysqa tartý boıynsha sharalarmen tyǵyz aınalysý qajet. Birinshi kezekte kadrlardy syrttan izdemeı, qatardaǵy mamandardyń biliktiligin jetildirip, tárbıeleý qajet.
