Astana mektepterinde biryńǵaı formaǵa baılanysty daý shyqty
ASTANA. QazAqparat - Búgin Astana qalasy Bilim basqarmasynyń jetekshisi Qasymhan Senǵazyev jańa oqý jylyna daıyndyq barysymen tanystyrý úshin jýrnalısterge arnap brıfıng ótkizdi.
Bastan-aıaq resmı tilde ótken brıfıng sońynda bilim basqarmasynyń basshysyn suraq qoıý arqyly ǵana qazaqsha sóıletý múmkin boldy. Qazaq tilinde daıyn baspasóz habarlamasy joq bolǵandyqtan, tym bolmasa baıandama nege qazaqsha bolmady degen suraǵymyzǵa basqarma basshysy «jýrnalısterdiń ýaqytyn únemdeý úshin tek orys tilinde baıandama jasadym» dep jaýap berdi.
Basqarma basshysynyń habarlaýynsha, 2016-2017 oqý jyldary Astana qalasy boıynsha 94 jalpy bilim beretin mektep jumys istemek. Onyń 83-i memlekettik mektep, 11 jeke menshik mektep. Jalpy, osy mektepterde bıyl 129 myńnan asa oqýshy bilim alady.
Bul oqýshylardyń barlyǵyn mindetti mektep formasyn kıedi. «Astanada mindetti mektep formasy 2012 jyldan bastap engizilgen. 2016 jyldyń 26 shildedegi jaǵdaı boıynsha, Astana qalasynyń 75 mektebinde mindetti mektep formasy engiziledi», - dedi Q.Senǵazyev.
Biraq, qala boıynsha biryńǵaı mektep formasy joq. ıAǵnı, ár mektepke bir forma mindetti, ony kimnen jáne qaıdan satyp alatynyn ata-analar ózi tańdaıdy. Biraq, qala boıynsha ázirge biryńǵaı forma engizilmeıdi. «Áleýmettik jeli men ártúrli derekkózderinde Astana qalasynyń mektepterine forma tigetin «Ilıasova» jeke kásipkerligimen shart jasasqan bir mektep óz habarlandyrýynda óziniń mektebinde biryńǵaı forma enip jatyr dep jazýdyń ornyna, Astana qalasy boıynsha mindetti biryńǵaı forma engizilmek» dep jazyp jibergen. Qazir qalada bul jeke kásipkerlikpen 75 ata-analar komıtetiniń on biri osy jeke kásipkerlikpen kelisimshart jasasty», - dep habarlady brıfıng barysynda Q,Senǵazyev.
«Ilıasova» jeke kásipkerligi kelisimshart jasasqan mekteptiń biri qaladaǵy 59 orta mektebi. Bul mekteptegi ata-analardyń jazýynsha, mektep formasy qaıta jańaryp jatyr. Al, «Ilıasova» jeke kásipkerliginiń dırektory Ǵazıza Ilıasova: «59 mektep boıynsha jalǵan aqparat tarap júr. Sebebi, biz ata-analarmen jınalys ótkizgen kezde kóp ata-ana qatysqan joq. Osy mektepke tek birinshi synyp oqýshylary úshin forma tigemiz. Al qalǵan synyp oqýshylarynyń formasy syımaı qalmasa, jyrtylmasa, bıyl da kııýge jaraıdy. Olardy eshkim májbúrlemeıdi. Birinshi synyp oqýshylary úshin naqty qansha forma alǵanymyzdy aıta almaımyn. Ol basqa qyzmetkerdiń quzyretinde. Shart boıynsha birinshi synypty tolyǵymen qamtamasyz etemiz. Eski formasy syımasa ǵana aýystyrý kerek», - degen ýáj aıtyp otyr.
Al,«mektep ishinde taýar satýǵa qatań tyıym salynǵan» deı otyryp, Bilim basqarmasynyń basshysy Q.Senǵazyev mektep formasynyń Astanadaǵy baǵasy 10 000-20 00 aralyǵyn quraıdy dep málim etti.
«Oqý jyly barysynda ata-analarmen biryńǵaı forma máselesin talqylaımyz. Jańa oqý jylynyń basynda qalalyq ata-analar keńesin quramyz. Qalalyq keńespen ózim jeke kezdesip, osy máselesi talqylaımyz. Tek mektep formasy ǵana emes, talqylaıtyn máseleler kóp», - dedi Q.Senǵazyev.
