Astana mektepterinde 26 myńnan astam oryn tapshylyǵy bar

ASTANA. QazAqparat – Elorda mektepterinde 26 myńnan astam oryn tapshylyǵy baıqalady. Bul máseleni sheshý úshin 11 mektep salynyp jatyr, dep habarlaıdy QazAqparat tilshisi.

Bul týraly qalalyq bilim basqarmasynyń basshysy Qasymhan Senǵazyev aıtyp berdi,

«Qazirgi tańda mektepterde 26 454 oryn tapshylyǵy bar. Búginde oryn tapshylyǵyn joıý maqsatynda elordada 15 700 orynǵa arnalǵan 11 mekteptiń qurylysy júrip jatyr», - dedi Q. Senǵazyev Astana kommýnıkatsııalar ortalyǵynda ótken brıfıngte.

Sonymen qatar, Prezıdent tapsyrmasy boıynsha «Jaıly mektep» ulttyq jobasy aıasynda aldaǵy eki jylda 24 iri mektep ashylady.

Bul mektepterde 90 myńǵa jýyq oqýshy eki aýysymda bilim ala alady.

Buǵan deıin spıker Astanadaǵy bilim sapasynyń kórsetkishi 59,7% quraǵanyn aıtqan edi.

Aldyn ala boljam boıynsha jańa oqý jylynda bala sany 255 myńǵa jýyq bolady. Birinshi synypqa 27 myńnan astam bala barady dep kútilip otyr.