Astana mektepterinde 15 myń oqýshyǵa oryn jetispeıdi
ASTANA. 1 jeltoqsan. QazAqparat - Búgin qala mektepterinde 15 myń oqýshyǵa oryn jetispeıdi. Olardyń 10 myńnan astamy birinshi synyp oqýshylary. Qalanyń orta bilim berý mekemelerinde barlyǵy 86 663 oqýshy bar. Bul týraly astana.kz saıtyna Astana qalasy Bilim basqarmasynyń bastyǵy Ásıma Bımendına málim etti.
Onyń aıtýynsha, bala sany jyl saıyn ósip barady. Bul, ásirese, ishki kóshi-qonnyń esebinen bolyp otyr. Kelesi jyly birinshi synypqa mektepke 12 myń shamasynda oqýshy barýy múmkin.
Sondaı-aq, Ásıma Bımendına búgingi kúni elordada 70 mektep bar ekenin de tilge tıek etti. 2013 jyly ol úsh mektepke kóbeıedi. 2014 jyly taǵy da qosymsha 6 mektep ashý josparlanýda. 2015 jyly da sondaı mektep ashylýy yqtımal.
