Astana mektepteri úshinshi toqsanda qalaı oqyp jatyr

NUR-SULTAN. QazAqparat – Elorda mektepterinde pánderdiń 70% - dástúrli, 30% - qashyqtan oqytylady. Bul jaıynda elorda ákimdiginiń baspasóz ortalyǵynda ótken onlaın brıfıngte aıtyldy, dep habarlaıdy QazAqparat tilshisi.

«Oqý jylynyń eń uzaq toqsany – ІІІ toqsan da aıaqtalýǵa jaqyn. Qazir ІІІ toqsannyń erekshelikterine toqtalyp óteıik. Ózderińizge belgili, 1 naýryzdan bastap 1-5 synyptardyń, sondaı-aq halyqaralyq mektepterdiń 1-7 synyptarynyń bilim alýshylary úshin aralas formatta oqytý uıymdastyryldy. Qazirgi ýaqytta 1-5 synyp oqýshylarynyń 85 575-i, ıaǵnı 88% oflaın rejımde oqyp júr. Al bitirýshi 9, 11, 12 synyptar oqýdy aralas formatta jalǵastyrady. Pánderdiń 70% - dástúrli, 30% - qashyqtan oqytylady», - deıdi Nur-Sultan qalasy bilim basqarmasy basshysynyń orynbasary Rımma Imangazınova.

Onyń aıtýynsha, bul rette barlyq sanıtarlyq talaptar saqtalady.

«1,5 metr áleýmettik qashyqtyqty saqtaı otyryp 25 baladan aspaı, al halyqaralyq mektepterdiń 1-7 synyp oqýshylary úshin synypta 15 baladan aspaı otyrǵyzylady. Sabaqtardyń ıkemdi kestesin, aýysymdardyń kóbeıýin, sabaq arasyndaǵy úzilisterdi mektepterdiń qamqorshylyq keńesi kelisken. Sozylmaly arýlary bar, sondaı-aq naýqaspen baılanysta bolǵan 3660 oqýshy ata-anasynyń ótinishi boıynsha onlaın bilim alýda. 6, 7, 8, 10 synyp oqýshylary qashyqtan oqýdy jalǵastyryp jatyr. Barlyq mektepterde mektepke kireberiste dezınfektsııalyq týnnelder, qashyqtyq jaıly belgiler ornatylǵan. Dezınfektsııalyq quraldar satyp alyndy, kvarttstalyp otyr», - deıdi ol.

Eske sala ketsek, buǵan deıin elordada oqý jyly bastalǵaly elordada 89 mektep karantınge jabylǵanyn jazǵan bolatynbyz.